کراچی(پاکستان پوائنٹ نیوز18۔جولائی2017ء) کھیڈاں راہیں لیاری دے نوجوان دہشت گردی تے نشے دی لعنت نوں ہرا سکدے نیں۔ تفصیل مطابق ڈی جی رینجرز نے رینجرز لیاری یوتھ سپورٹس فیسٹیول کراچی پیس مشن سائیکل ریس دے چیئرمین عابد علی ایڈووکیٹ تے چیف آرگنائزر ملک کلیم احمد اعوان نال سپورٹس فیسٹیول دی افتتاحی تقریب وچ ملاقات کردے ہوئے آکھیا کہ پاکستان نال محبت دا تقاضا اے کہ پاکستان دے ہر بندے خاص کر نوجواناں نوں چاہیدا کہ اوہ مثبت سرگرمیاں اُچیچا کھیڈاں راہیں اپنے آپ نوں مصروف کر کے اک چنگے انسان ورگیاں خصلتاں اپنے اندر پیدا کرن۔
اوہناں دا کہنا سی کہ کھیڈاں راہیں نوجوان دہشت گردی و نشے دی لعنت نوں ہرا سکدے نیں۔ایس موقع تے عبدالستار ایدھی ٹرسٹ دے فیصل ایدھی وی موجود سن۔ عابد علی ایڈووکیٹ نے ڈی جی رینجرز نال گل بات کردے ہوئے آکھیا کہ رینجرز ولوں لیاری دے نوجواناں نوں مثبت سرگرمیاں ول لیانا انسانیت پرستی دا وڈا ثبوت اے۔
