لاہور(پاکستان پوائنٹ نیوز21۔جون2017ئ) مِٹھی عید توں پہلاں پنجاب فوڈ اتھارٹی نے مٹھیائیاں بنان والیاں لئی کوڑی وارننگ جاری کر دتی۔ تفصیل مطابق پنجاب فوڈ اتھارٹی نے سارے مٹھیائی بنان والے پروڈکشن یونٹس تے دُکانداراں نوں وارننگ جاری کیتی اے۔ پنجاب فوڈ اتھارٹی دا کہنا اے کہ مٹھیائیاں دے اجزاءتے پروڈکشن دا ماحول ٹھیک کرن لئی 48گھنٹیاں دا الٹی میٹم دتا جاندا اے۔
ڈائریکٹر جنرل پنجاب فوڈ اتھارٹی نورالامین مینگل ولوں جاری الٹی میٹم مطابق مٹھیائیاں دی تیاری وچ بہترین دُدھ، کھویا، چینی تے ہور شیواں ورتیاں جان۔ ویجیٹیبل فیٹ دی بجائے ترجیحا ڈیری پراڈکٹس توں تیار کردا کھویا تے ہور شیواں نال مٹھیائیاں بنائیاں جان۔ مٹھیائیاں وچ معیاری تے منظور شدا فوڈ کلر ورتیا جائے۔
