نسرین انجم بھٹی ہوراں دا شعری پراگا” شاملاٹ“ چھپ گیا

لاہور(پاکستان پوائنٹ نیوز23۔مئی2017ء) جانی پچھانی مان جوگ پنجابی شاعرا نسرین انجم بھٹی ہوراں دا نویکلا شعری پراگا چھپ گیا اے۔ایس پراگے وچ اوہناں دیاں اوہ بیاسی نظماں چھاپیاں گئیاں نیں جو اوہناں دی حیاتی وچ چھاپے نہیں سی چڑھ سکیاں۔سانجھ ولوں ایس اُدم دا کم پنجابی واسطے ساری حیاتی کم کرن والی شاعرا نوں بھینٹ کیتا گیا اے۔ مشتاق صوفی ہوراں کتاب دے اخیر تے ” مائی“ دے سرناویں ہیٹھ اک لیکھ وی نسرین انجم بھٹی بارے لکھیا اے۔کتاب دے کُل صفحے94 تے مُل 200 رپے اے ۔