چڑیا گھر لاہور دی اکلوتی ہتھنی ’سوزی‘ چلانا کر گئی

لاہور(پاکستان پوائنٹ نیوز13۔مئی2017ء) چڑیا گھر لاہور دی اکلوتی ہتھنی ’سوزی‘ چلانا کر گئی۔ تفصیل د ے مطابق سوزی نوں تن لتاں وچ پیڑ سی۔ سوزی نوں 1988وچ چڑیا گھر لاہور لیاندا گیا جتھے اوہنے کئی بالاں تے وڈیاں دے دل خش کیتے۔ سوزی دی عمر 35سال سی جدکہ عام طور اُتے ہتھنی دی عمر 85سال تک ہوندی اے۔ دوجے پاسے انتظامیا نے سوزی دی موت دی وجہ جانن لئی 7رکنی کمیٹی بنا دتی اے۔