لاہور : ہال روڈ اُتے نامعلوم بندے دی فائرنگ، دُکاندار محفوظ رہے: پولیس

لاہور(پاکستان پوائنٹ نیوز11۔مارچ2017ء) صوبائی راجدھانی وچ موبائل ٹیکنالوجی دی مشہور مارکیٹ ہال روڈ وچ فائرنگ دا واقعا پیش آیا،فائرنگ پاروں لوکاں وچ خوف کِھلر گیا۔ پولیس وسیلیاں دے مطابق ہال روڈ اُتے گاہک نے دُکاندار نال جھیڑے اُتے فائرنگ کر دِتی۔ فائرنگ دے نتیجے وچ دُکاندار محفوظ رہیا۔ لوکاں دا کہنا اے کہ ہتھیار بند گاہک ہال روڈ اُتے فائرنگ کردا ہویا فرار ہو گیا۔ پولیس نے مقدما درج کر کے ملزم دی تلاش شروع کر دِتی اے۔