فیصل آباد: وزیر اعلا پنجاب دے پتنگ بازی اُتے پابندی دے حُکماں نوں ہوا وچ اُڈا دِتا گیا

فیصل آباد(پاکستان پوائنٹ نیوز10۔فروری2017ء) فیصل آباد وچ وزیر اعلا پنجاب میاں محمد شہباز شریف دے حکماں نوں ہوا وچ اُڈا دِتا گیا ، پتنگ بازی اُتے پابندی مگروں وی اُڈدیاں گڈیاں موت دے سائے وانگ بندیاں دا پِچھا کر ن لگیاں۔ نجی ٹی وی چینل دے مطابق فیصل آباد دے علاقے رضا آباد وچ گڈی دی ڈور پھرن نال دو نوجوان زخمی ہو گئے نیں۔ زخمی ہون والے نوجواناں وچ طارق تے آصف شامل نیں۔دوجے پاسے پولیس نے گڈیاں بنان والیاں خلاف قانونی کارروائی شروع کر دِتی اے۔