پنجاب یونیورسٹی:دو پڑھیا تنظیماں وچکار جھیڑا

لاہور(پاکستان پوائنٹ نیوز10۔فروری2017ء) پنجاب یونیورسٹی ہاسٹل وچ دو پڑھیار تنظیماں وچکار جھیڑا ہو گیا، جھیڑے دے نتیجے وچ کُجھ پڑھیاراں دے زخمی ہون دا خدشا وی ظاہر کیتا جا رہیا ے۔ پولیس نے پڑھیاراں نوں وکھ کرن لئی اتھرو گیس دی شیلنگ وی کیتی۔ میڈیا رپورٹس دے مطابق پنجاب یونیورسٹی دے ہاسٹل نمبر 3تے 4وچکار دو پڑھیار تنظیماں وچکار جھیڑا ہو گیا، جھیڑے دوران پڑھیاراں ولوں اک دوجے نوں وَٹے وی مارے گئے جہدے مگروں پولیس دی نفری طلب کر لئی گئی۔ پولیس نے پڑھیاراں نوں وکھ کرن لئی شیلنگ وی کیتی۔ پولیس دی موجودگی وچ وی پڑھیار اک دوجے نوں وَٹے ماردے رہے۔ پولیس نے اک پڑھیار نوں گرفتار وی کیتا پر اجے تک پڑھیاراں ولوں اک دوجے نوں وَٹے مارن دا سلسلا جاری اے۔