’سوزوکی‘ نے گڈیاں دیاں قیمتاں وچ وادھا کر دتا

اسلام آباد(پاکستان پوائنٹ نیوز01۔اپریل2017ء) ’سوزوکی‘ نے پاکستان اندر اپنیاں گڈیاں دیاں قیمتاں وچ وادھا کر دتا۔ تفصیل دے مطابق وسیلیاں نے دسیا کہ ایہ وادھا بُہتا منافع ملن دی وجہ توں کیتا گیا اے۔ پنجاب حکومت دی گرین ٹیکسی سکیم دے تحت سوزوکی گڈی ’بولان‘ تے ’راوی‘ پچھلے ورھے ڈاڈھی وکی پر ایس سکیم دے تقریبن ختم ہون مگروں سوزوکی نے گڈیاں دی پیداوار وچ کمی کر دتی سی۔ پر ہن اک وار فیر سوزوکی پاکستان نے اپنیاں گڈیاں دیاں قیمتاں اُتے نظر ثانی کرن مگروں قیمتاں وچ وادھا کر دتا اے۔ پر کمپنی نے ایہ نہیں دسیا گیا کہ ایہ فیصلا مارکیٹ وچ گڈیاں دی ویلیو ودھان لئی کیتا گیا اے یاں فیر پچھلے ورھے ہوئے نقصان نوں پورا کرن لئی۔