لاہور( پاکستان پوائنٹ نیوز10۔جولائی۔2018ء ) پاک سوزوکی نے مہران ’وی ایکس‘ نوں چالو ورھے نومبر دے مہینے وچ بند کرن دا اعلان کر دتا، پاکستان وچ دہاکیاں(دہائیاں) تیکر مارکیٹ دی مشہور ترین گڈی دا اعزاز حاصل کرن والی گڈی دا عام ماڈل نومبر دے مہینے وچ فیر ویچن لئی پیش نہیں کیتا جائے گا۔ تفصیل مطابق پاکستان وچ دہاکیاں(دہائیاں) تیکر مارکیٹ دی مشہور ترین گڈی دا اعزاز حاصل کرن والی گڈی دا عام ماڈل نومبر دے مہینے وچ فیر ویچن لئی پیش نہیں کیتا جائے گا۔
پاک سوزوکی نے 80دے دہاکے توں مارکیٹ وچ مقبول رہن والی گڈی مہران دے عام ماڈل ’وی ایکس‘ دی پیداوار نوں بند کرن د افیصلا کیتا اے۔ پر مہران دے اے سی ماڈل ’وی ایکس آر‘ دی پیداوار تے فروخت اجے جاری رکھی جائے گی۔ چیتے رہوے کہ سوزوکی مہران دی دنیا بھر وچ پیداوار 90دے دہاکے وچ بند کر دتی گئی سی پر پاکستان وچ ایس گڈی دی پیداوار اج وی جاری اے۔ پر ہن مارکیٹ وچ نویاں کمپنیاں دی آمد دی وجہ توں مقابلے وچ وادھا ہویا اے۔ نویاں تے جدید گڈیاں گھٹ ریٹ وچ ویچیاں جا رہیاں نیں۔ ایہو وجہ اے کہ سوزوکی نے مہران وی ایکس دے ماڈل نوں چالو ورھے نومبر دے مہینے وچ بند کرن دا فیصلا کیتا اے۔
