کراچی( پاکستان پوائنٹ نیوز28۔مئی2018ء ) معاشی ماہرین نے آکھیا اے کہ آؤندے کُجھ مہینیاں دوران پاکستانی رُپئے دی قدر وچ ہور کمی آئے گی، اک ڈالر 140تے اماراتی درہم 38.19رُپئے تیکر جائے گا۔ عرب نشریاتی ادارے مطابق اورینٹ ایکسچینج دے سی ای او راجیو رائے پنچولیا نے مالی سال 2018-19وچ پاکستانی رُپئے دی قدر وچ ہور 10توں 15فیصد کمی دا امکان ظاہر کیتا اے کیونکہ پاکستانی بنک چین توں امریکی ڈالر زدا قرضہ لے رہیا اے تاں جے آئی ایم ایف لون قسط دے سکے۔
اوہناں نے آکھیاکہ ایف ای ڈی انٹرسٹ ریٹ دا ودھنا ہور ایشیائی ملکاں وانگ پاکستان وچ وی ڈالر دی گردش نوں متاثر کر رہیا اے۔ پاکستان وچ سود دی ودھدی شرح تے مہنگائی وی معیشت نوں متاثر کر رہی اے۔ ایس لئی آس اے کہ 2020تیکر اک ڈالر 140تے امارتی درہم 38.16پاکستانی رُپئے تیکر اپڑ جائے گا۔
