اسلام آباد(پاکستان پوائنٹ نیوز12۔نومبر۔2018ء) جرمنی دی مشہور آٹو کمپنی واکس ویگن نے پاکستان دی آٹو انڈسٹری وچ پیر رکھن دا فیصلا کیتا اے۔ ایہ خبر پچھلے ہفتے خبراں دی زینت بنی جیہدے وچ آکھیا گیا کہ جرمنی دی آٹو کمپنی واکس ویگن نے پاکستان وچ موجود اپنے مقامی پارٹنر پریمیئر موٹرز لمیٹڈ دے نال اک سمجھوتا اُتے دستخط کیتے نیں۔ ایس سمجھوتے وچ طے پایا اے کہ پریمیئر موٹرز واکس ویگن دے لائسنس دے تحت CKDیونٹس دی مقامی سطح اُتے تیاری لئی کراچی وچ اک پروڈکشن پلانٹ قائم کرے گی۔
ایہ خبر ملک بھر دے آٹو سیکٹر وچ جنگل دی اگ وانگ کھلر گئی کیونکہ واکس ویگن دا شمار دنیا بھر دی وڈیاں آٹو کمپنیاں وچ ہوندا اے۔ ایتھے ایہ گل ذکر جوگ اے کہ ایس توں پہلاں جون 2017وچ پہلے ای دو کمپنیاں (intent)تے (Lol) سمجھوتا کر چکیاں نیں۔ جیہدے مگروں ملک دے آٹو سیکٹر وچ جرمنی دی سبھ توں وڈی کمپنی دی انٹری دی اُڈیک سی۔ اک سال توں ودھ چِر اُڈیکن مگروں آخیر جرمن کمپنی نے پاکستان وچ سرمایہ کاری تے اپنے آٹو پارٹس پاکستان لیان دا فیصلا کیتا اے۔ جرمن آٹو کمپنی دی پاکستان آمد مگروں ملکی معیشت وچ بہتری دی آس اے۔
