اسلام آباد( پاکستان پوائنٹ نیوز26۔جون2018ء ) کار بنان والی مشہور کمپنی ٹیوٹا نے گڈیاں دی قیمت وچ 1.9ملین رُپئے تیکر وادھا کر دتا۔میڈیا رپورٹ مطابق پیسے دی قدر وچ کمی مگروں ای ٹیوٹا کمپنی نے اپنیاں گڈیاں دیاں قیمتاں وچ وادھا کرن دا فیصلا کیتا سی۔ انڈس موٹر کمپنی(IMC)ولوں گڈیاں دی قیمت وچ ایہ تیجی وار وادھا کیتا گیا اے۔ پہلاں دو وار وی پیسے دی قدر وچ کمی دی وجہ توں گڈیاں دی قیمت وچ وادھا کیتا گیا۔
پاکستانی کرنسی دی قدر وچ کمی مگروں نہ صرف ٹیوٹا بلکہ ہور کار بنان والیاں کمپنیاں نے وی گڈیاں دیاں قیمتاں وچ وادھا کیتا سی۔ پچھلی وار انڈس موٹر کمپنی نے گڈیاں دیاں قیمتاں وچ 3لکھ رپئے تیکر دا وادھا کیتا، جیہدا اطلاق 22مارچ2018توں ہونا سی۔ پر کمپنی نے نویاں قیمتاں دے اطلاق دا اجے اعلان نہیں کیتا۔ وسیلیاں دا کہنا اے کہ گڈیاں دیاں نویاں قیمتاں وچ نویں وادھے دا اطلاق پہلی جولائی 2018توں ہوئے گا۔ قیمتاں وچ ایس نویں وادھے مگروں ٹیوٹا کمپنی دے کئی ماڈلز دیاں قیمتاں وچ 1.9ملین تیکر دا وادھا ہو سکدا اے۔
