اسلام آباد(پاکستان پوائنٹ نیوز03۔اپریل2017ء) یاماہا نے پاکستان وچ موٹر سائیکل دا نواں ماڈل YB125Zمتعارف کروا دتا اے۔ تفصیل دے مطابق یاماہا نے پاکستان وچ موٹر سائیکل دا نواں ماڈل YB125Zمتعارف کروا دتا اے۔ ایس ماڈل دی قیمت اک لکھ 15ہزار 9سو رُپئے ہووے گی۔ لاہور وچ ہون والی تقریب اندرYBRسیریز دی کامیابی مگروں ہن یاماہا نے اک نواں ماڈل YB125Zمتعارف کروا دتا اے۔
نویں ماڈل دی لانچنگ یاماہا نے پاکستان وچ موجود موٹر بائیکرز نوں اپنے ول متوجہ کرن، مارکیٹ وچ موجود چینی تے ہور کمپنیاں دا مقابلا کرن لئی کیتی اے۔ یاماہا موٹرز دے مینجنگ ڈائریکٹر نے تقریب وچ ذکر کیتے گئے ماڈل دے فیچرز بارے دسیا۔ اوہناں دا کہنا سی کہ آن والے ورھیاں وچ پاکستان وچ اک لکھ سیلز یونٹ بنان دا ٹارگٹ اے تے ایس ٹارگٹ نوں حاصل کرن وچ نواں ماڈل مددگار ثابت ہووے گا۔ پاکستان بھر وچ یاماہا دیاں 200سیلز دُکاناں تے 500ہور دُکاناں نیں۔ یاماہا دا نواں ماڈل چالو مہینے مارکیٹ وچ آ جائے گا۔
