ٹیوٹا کمپنی نے پاکستان توں ’کرولا‘ گڈی ویچنی بند کر دتی، متبادل دے طور اُتے ہور ماڈل مارکیٹ وچ لیاندا جائے گا

ٹیوٹا کمپنی نے پاکستان توں ’کرولا‘ گڈی ویچنی بند کر دتی، متبادل دے طور اُتے ہور ماڈل مارکیٹ وچ لیاندا جائے گا

لاہور(پاکستان پوائنٹ نیوز30۔مارچ2018ء) گڈیاں بنان والی مشہور کمپنی ’ٹیوٹا‘ ولوں پاکستان وچ سبھ توں مشہور گڈی ’کرولا‘ ویچنی بند کرن دا فیصلا کیتا گیا اے۔ تفصیل مطابق پاکستان وچ کئی دہاکیاں تیکر سبھ توں مشہور گڈی دا اعزاز رکھن والی ’کرولا‘ دی سیل بند کرن دا فیصلا کیتا گیا اے۔ ٹیوٹا کمپنی نے کرولا ایکس ایل آئی تے کرولا جی ایل آئی دوویں گڈیاں بند کرن دا فیصلا کیتا اے۔

ٹیوٹا ولوں ’ویوس‘ نامی ہور نواں ماڈل مارکیٹ وچ لیاندا جائے گا۔ 15سو سی سی انجن والی گڈی ’ویوس‘ جدید صفتاں(خصوصیات) رکھدی اے۔ ایہ گڈی دنیا دے کئی ملکاں وچ ویچن لئی پیش کیتی جا رہی اے جدکہ ہن ایس گڈی نوں پاکستان وچ وی ویچن لئی پیش کرن دی تیاری کیتی جا رہی اے۔ وسیلیاں مطابق ٹیوٹا ’ویوس‘ دی قیمت 17لکھ رُپئے تیکر ہوئے گی۔ ٹیوٹا ’ویوس‘ نوں چھیتی پاکستان بھر وچ ویچن لئی پیش کیتا جائے گا۔