لاہور(پاکستان پوائنٹ نیوز24۔مارچ2017ء) فیصل موورز نے لاہور توں اسلام آباد لئی پریمئر سروس لانچ کرن دا فیصلا کر لیا۔ نجی بس سروس نے ایہ فیصلا ہور نجی کمپنیاں وچ مسافراں نوں دِتیاں جان والیاں جدید سہولتاں تے مارکیٹ وچ مقابلا ودھان لئی کیتا۔تفصیل دے مطابق فیصل موورز نے وی اپنے مسافراں نوں جدید سفری سہولتاں دین لئی کم شروع کر دِتا اے۔ لاہور توں اسلام آباد دے روٹ دا کرایہ ودھا کے 9سو رُپئے کر دِتا جائے گا۔
نویں سروس دیاں تفصیلاں اجے پتا تے نہیں لگ سکیاں پر دِتیاں گئیاں معلومات دے مطابق نویں سروس وچ صوفہ سیٹ، ہائی سپیڈ انٹرنیٹ، ویڈیو آن ڈیمانڈ سسٹم، مسافراں دی تواضع تے موبائل فون چارج کرن دی سہولت دِتی جائے گی۔ ایتھے ایہ گل وی ذکر جوگ اے کہ فیصل موورز نوں سہولتاں دی کمی پاروں مسافراں ولوں تنقید دا نشانا بنایا جاندا سی پر ہن نویں سروس تے سہولتاں لانچ ہون اُتے سروس وچ کیتے بہتری آن دی امید کیتی جا رہی اے۔
