سونے دی فی تولہ قیمت 250رُپئے وادھے نال 51100رُپئے ہوگئی

کراچی(پاکستان پوائنٹ نیوز27۔مارچ2017ء) عالمی مارکیٹ وچ سونے دیاں قیمتاں وچ لاہ چڑھا جاری اے۔کراچی صرافہ ایسوسی ایشن دے مطابق عالمی مارکیٹ وچ فی اونس سونا 12ڈالر وادھے نال 1257ڈالر دا ہو گیا اے۔ جہدے کارن ملک وچ سونے دی فی تولہ قیمت وچ 250رُپئے وادھا کر دتا گیا اے۔ سونے دی قیمت وچ 250رُپئے وادھے مگروں سونے دی فی تولہ قیمت 51100رُپئے ہو گئی اے جدکہ 10گرام سونے دی قیمت 215رُپئے وادھے نال 43800رُپئے ہو گئی اے۔