اسلام آباد(پاکستان پوائنٹ نیوز20۔جنوری2017ء) عوامی مسلم لیگ دے سربراہ شیخ رشید احمد نے آکھیا اے کہ مغل بادشاہواں دے بالاں نے وی اینے مہنگے تحفے اپنے ماں پیو نوں نہیں دِتے جِنے نواز شریف دے بالاں نے اوہناں نوں دِتے، کرپشن دا تابوت سپریم کورٹوں ای نکلے گا۔ تفصیل دے مطابق سپریم کورٹ دے باہر میڈیا نال گل بات کردے ہوئے اوہناں نے آکھیا کہ لیگی وزیراں نوں انصاف ہوندا وکھالی دے رہیا اے تے ہن عدالتاں دے باہر عدالتاں نوں دھمکایا جا رہیا اے۔
اوہناں نے آکھیا کہ لیگی وزیر کُجھ دن پہلے آکھدے سن کہ ہن سبھ اچھا ہو جائے گا، جے وڈے لوک بچ گئے تے انصاف و جمہوریت نوں خطرا ہوئے گا۔ اوہناں دا کہنا سی کہ ن لیگ دے وکیل نے منی لانڈرنگ عدالت وچ نہیں دَسی۔ اللہ توں امید اے کہ کرپشن دا تابوت ایتھوں ای نکلے گا۔
