پسند دا ویاہ کرن والی دھی نوں ساڑن دا معاملا: انسداد دہشت گردی عدالت نے ماں نوں موت دی سزا سُنا دِتی

لاہور(پاکستان پوائنٹ نیوز16۔جنوری2017ء) پسند دا ویاہ کرن والی دھی نوں ساڑن دے معاملے دی لاہوردی انسداد دہشت گردی عدالت وچ سنوائی ہوئی۔ اے ٹی سی نے پسند دا ویاہ کرن اُتے زندا ساڑی جان والی زینت دی ماں نوں موت دی سزا دا حکم دے دِتا۔ تفصیل دے مطابق پچھلے ورھے لاہور دے فیکٹری ایریا توں تعلق رکھن والی زینت بی بی نوں اوہدی ماں نے پسند دا ویاہ اُتے زندا ساڑ دِتا سی۔جہدے بعد پولیس نے زینت دی ماں تے اوہدے بھرا نوں گرفتار کرلیا۔ ہن لاہور دی انسددا دہشت گردی عدالت نے زینت دے بھرا نوں عمر قید جدکہ اوہدی ماں نسرین بی بی نوں موت دی سزا سُنا دِتی اے۔