لاہور دے میو تے سروسز ہسپتال وچ چوہیاں دا راج، روگی پریشان

لاہور دے میو تے سروسز ہسپتال وچ چوہیاں دا راج، روگی پریشان

لاہور(پاکستان پوائنٹ نیوز16۔جنوری2017ء) لاہور دے میو تے سروسز ہسپتال وچ چوہیاں دا راج۔ تفصیل دے مطابق لاہور دے سرکاری ہسپتال میو تے سروسز وچ لیب تے وارڈاں وچ چوہے گھمدے ویکھے گئے۔ لیب وچ موجود چوہے اکثر تاراں نوں کُتردیندے نیں۔ ہسپتالاں وچ چوہیاں دی موجودگی اُتے روگی تے اوہناں دے وارث ڈاڈھے پریشان نیں۔ وارثاں دا کہنا اے کہ اسیں اکثر ہسپتال انتظامیا نوں ایس بارے شکایت کیتی اے پر کوئی ایکشن نہیں لِتا گیا جدکہ ہسپتالاں وچوں چوہیاں نوں مُکان دا وی کوئی بندوبست نہیں کیتا جارہیا جہدی وجہ توں روگیاں نوں ڈاڈھیاں اوکڑاں دا ساہمنا اے۔