میں اذان دی اُڈیک کرنی آں، اذان سُنن نال مینوں سکون ملدا اے: بالی ووڈ فلمسٹار پریانکا چوپڑا

ممبئی(پاکستان پوائنٹ نیوز20۔جنوری2017ء) مذہب اسلام وچ اذان دا ویلا اوہ ویلا ہوندا اے جدوں اللہ اپنے بندیاں نوں اپنے ساہمنے کھڑا کرن لئی بُلاندا اے تے امت مسلمہ وچ موجود ہر مسلمان اذان ویلے سکون محسوس کردا اے پر بالی ووڈ توں تعلق رکھن والی اک اجیہی اداکارا جہناں نوں اذان نال نہ صرف سکون ملدا اے بلکہ اوہ اُچیچا اذان دی اُڈیک وی کردیاں نیں۔ اک تقریب وچ گل بات کردے ہوئے بالی ووڈ فلمسٹار پریانکار چوپڑا دا کہنا سی کہ بھوپال وچ رہندے ہوئے اک ای شے ، جہدی مینوں اُڈیک رہندی اے اوہ اے شام دا ویلا کیونکہ شام ویلے میں بھوپال وچ اپنی باری وچ بِہنی آں، سورج ڈُب رہیا ہوندا اے، جہدے تھوڑی دیر بعد مینوں اذان دی آواز سُنائی دیندی اے۔ اوہناں نے آکھیا کہ میں اذان ہون دی اُچیچا اُڈیک کرنی آں کیونکہ اوس ویلے مینوں سکون ملدا اے۔