زیبا بختیار نے اپنی سدا بہار جوانی تے فٹنس دا راز دَس دِتا

لاہور(پاکستان پوائنٹ نیوز21۔جنوری2017ء) سینئر اداکارا زیبا بختیار نے اپنی سدا بہار جوانی تے فٹنس دا راز دَس دِتا۔ تفصیل دے مطابق اپنے اک انٹرویو وچ اوہناں نے دسیا کہ میں کوئی میڈیسن تے مغربی نسخے نہیں ورتدی۔ اوہناں دا کہنا سی کہ قرآن وچ جہڑیاں شیواں دا ذکر اے اوہناں دی ورتوں ضرور کرنی چاہیدی کیونکہ اوہدے وچ شفاءای شفاءاے، دوجی ضروری گل ایہ کہ میں ہمیشہ حسد توں دور رہنی آں۔ زیبا بختار نے آکھیا کہ میرا فلسفہ اے کہ محبتاں لوو تے ونڈی جاﺅ۔ اک سوال دے جواب وچ اوہناں نے آکھیا کہ مینوں غصہ بہت گھٹ آﺅندا اے پر جدوں آﺅندا اے بہت زیادا آﺅندا اے۔ اوہناں نے اک ہور سوال دے جواب وچ آکھیا کہ کوکنگ کرنا چنگا لگدا اے، خاص طور اُتے پیزا چنگا بنا لینی آں۔