ممبئی(پاکستان پوائنٹ نیوز03۔جنوری2017ء) ہالی ووڈ اداکارا کرینہ کپور دا انکم ٹیکس اکاﺅنٹ ہیک کرن تے معلومات چوری کرن دے الزام وچ پیرا ملٹری فورس توں تعلق رکھن والے اک اہلکار نوں گرفتار کر لیا گیا۔ بھارتی میڈیا رپورٹ دے مطابق بالی ووڈ اداکارا کرینہ کپور ولوں ممبئی سائبر کرائم وچ انکم ٹیکس دیاں معلومات چوری کرن دی درخاست جمع کروائی گئی سی۔
درخاست مطابق اداکارا دا انکم ٹیکس اکاﺅنٹ ہیک کر کے غلط معلومات درج کیتیاں گئیاں سن پر ہن ممبئی سائبر کرائم نے انکم ٹیکس اکاﺅنٹ ہیک کرن تے معلومات چوری کرن دے الزام وچ اک بندے نوں گرفتار کر لیا اے۔ دوجے پاسے سائبر کرائم پولیس دا کہنا اے کہ ملزم دی گرفتاری ممبئی توں ہوئی اے تے گرفتار بندے دا تعلق ملٹری فورس توں اے۔ پولیس دا کہنا اے کہ ملزم خلاف مقدما درج کر کے تحقیقات شروع کر دِتیاں گئیاں نیں۔
