ارشد خان تے مسکان جے وچکار افیئر دیاں افواہواں

ارشد خان بہت ٹیلنٹڈ تے محنتی نوجوان اے اوہدے نال میرا پہلا پراجیکٹ کامیاب رہیا: مسکان جے

ارشد خان تے مسکان جے وچکار افیئر دیاں افواہواں
ارشد خان بہت ٹیلنٹڈ تے محنتی نوجوان اے اوہدے نال میرا پہلا پراجیکٹ کامیاب رہیا: مسکان جے

لاہور(پاکستان پوائنٹ نیوز04۔جنوری2017ء) ارشد خان تے مسکان جے وچکار افیئر دیاں خبراں ساہمنے آ رہیاں نیں پر دوویں فنکاراں نے افواہواں نوں رَد کر دِتا۔ تفصیل دے مطابق سوشل میڈیا توں ناں کمان والے سٹار ارشد خان چاہ والا تے مسکان جے دا پہلا سانجھا ویڈیو گانا ’بے پروائیاں‘ ریلیز کر دِتا گیا۔ ایہ گیت گلوکارا و اداکارا مسکان جے نے گایا اے جہدے وچ ارشد خان تے مسکان جے دوواں نے ماڈلنگ کیتی اے۔

ویڈیو ریکارڈنگ دے دوران ارشد خان تے مسکان جے وچکار افیئر دیاں خبراں ساہمنے آ رہیاں نیں پر دوویں فنکاراں نے افواہواں نوں رَد کر دِتا۔ ارشد خان دا کہنا سی کہ مسکان جے میری چنگی دوست اے اوہدے نال کم کیتا اے پر ساڈے افیئر دی کوئی حقیقت نہیں اے۔ مسکان جے دا کہنا سی کہ ارشد خان بہت ٹیلنٹڈ تے محنتی نوجوان اے اوہدے نال میرا پہلا پراجیکٹ کامیاب رہیا، ویڈیو نوں سوشل میڈیا اُتے بہت پسند کیتا جا رہیا اے، اسیں آن والے ویلے وچ وی اکٹھے کم کراں گے پر ساڈے افیئر دیاں خبراں بے بنیاد نیں۔