ممبئی(پاکستان پوائنٹ نیوز24۔دسمبر2016ء) بالی ووڈ دے مسٹر پرفیکشنٹ عامر خان دی نویں فلم ’دنگل‘ نے امریکا، کینیڈا تے متحدہ عرب امارات وچ کمائی دے ریکارڈ اپنے ناں کر لئے۔ عامر خان دی فلم ’دنگل‘ نمائش لئی پیش کر دِتی گئی اے تے فلم نوں بھارت سنے دنیا بھر توں مثبت ردعمل مل رہیا اے جدکہ فلمی پنڈتاں ولوں پہلے ای فلم دی باکس آفس اُتے کمائی دے کئی ریکارڈ بنان دی پیشنگوئی کیتی گئی سی۔
فلم ’دنگل‘ نے بھارت سنے امریکا، کینیڈا تے متحدہ عرب امارات وچ وی دھوم مچا دِتی اے جدکہ فلم نے پہلے دن ای ایہناں تِناں ملکاں وچ 7کروڑ توں ودھ کمائی کر لئی اے۔ فلمی پنڈت ترن ادراش دے مطابق فلم نے امریکا تے کینیڈا وچ پہلے دن 2کروڑ 21لکھ، یو اے ای وچ 4کروڑ 62لکھ تے برطانیا وچوں 98لکھ دی کمائی کر کے مجموعی طور اُتے 7کروڑ 81لکھ دا بزنس کر لیا اے۔ یاد رہوے کہ عامر خان دی 2014وچ ریلیز ہون والی فلم ’پی کے‘ 735کروڑ کمان دے بعد سبھ توں زیادا کمائی کرن والی فلم اے۔
