جودھپور(پاکستان پوائنٹ نیوز23۔دسمبر2016ء) بالی ووڈ اداکارا عالیہ بھٹ دا ممبئی واپسی اُتے چاہیوان نے ہتھ پھڑ لیا جہدے اُتے اداکارا غصے وچ آگئیاں تے نوجوان نوں جھاڑ دِتا۔ تفصیل دے مطابق بھارتی معاشرے وچ سوانیاں نال جنسی زیادتی تے مَندا سلوک کرن دے واقعات آئے دن ہوندے رہندے نیں۔ بھارتی میڈیا رپورٹ دے مطابق اداکارا عالیہ بھٹ امریکی فیشن اینڈ سٹائل میگزین ’ووگ‘ دی شوٹنگ دے بعد بھارتی شہر جودھ پور توں ممبئی واپس آﺅندے ہوئے ائر پورٹ اُتے چاہیواناں دی بھیڑ وچ پھس گئیاں ، جتھے اک نوجوان چاہیوان نے اداکارا دا ہتھ پھڑلیا۔
چاہیوان دی ایس حرکت اُتے اداکارا غصے وچ آ گئیاں۔ عالیہ بھٹ نے ہتھ پھڑن والے چاہیوان نوں جھاڑیا جہدے بعد پولیس اہلکاراں نوں معاملے وچ مداخلت کرنی پئی جہناں نے معاملے نوں رفع دفع کرایا۔
