ممبئی(پاکستان پوائنٹ نیوز30۔نومبر۔2016ء) بالی ووڈ دے ہیرو عامر خان دے گھر چوری دی واردات وچ 50لکھ مالیت دے زیورات چوری ہو گئے۔ تفصیل دے مطابق بھارتی فلم انڈسٹری دے سپر سٹار عامر خان اج کل اپنی آن والی فلم ’دنگل ‘دی پرموشن لئی ملک بھر دے دورے کر رہے نیں۔ ایس موقعے اُتے اوہناں دی بیوی کرن راﺅ تے اوہناں دا پُتر آزاد خان وی اوہناں دے نال نظر آئے نیں۔
اطلاع اے کہ چوراں نے ایس موقعے دا بھرپور فائدا چُکدے ہوئے اوہناں دے گھر دا صفایا کر دِتا اے۔ بھارتی میڈیا دے مطابق عامر خان دے گھروں تقریبن 50لکھ مالیت دے زیورات نوں چوری کر لیا گیا اے۔ ابتدائی طور اُتے گھر دے تن نوکراں نوں چوری دے الزام وچ نامزد کیتا گیا اے۔ بھارتی میڈیا دے مطابق واقعے دی اطلاع کرن راﺅ دے اک رشتے دار نے پولیس نوں دِتی، پولیس نے فوری ایکشن لیندے ہوئے واقعے دا مقدما درج کر لیا اے۔
