صوابی(پاکستان پوائنٹ نیوز29۔نومبر۔2016ء) لوک فنکار درویش خان نوں فائرنگ کر کے قتل کر دِتا گیا۔ صوابی دے علاقے پنج پیر بائی پاس نیڑے نامعلوم بندیاں دی فائرنگ نال مقامی گلوکار درویش ہلاک ہو گیا۔ پولیس دا کہنا اے کہ مانیری دا رہائشی لوک گلوکار 62ورھیاں دا درویش خان لاگے دے پنڈ پن پیر توں پرفارمنس دے کے واپس آ رہیا سی کہ پنج پیر بائی پاس دے نیڑے نامعلوم بندیاں نے اوہناں دی کار اُتے فائرنگ کر دِتی، فائرنگ دے نتیجے وچ اوہ موقعے اُتے ای ہلاک ہو گیا۔
پولیس دے مطابق درویش نوں چھ گولیاں وجیاں جہدے بعد اوہ کافی دیر تیک واقعے دی تھاں اُتے پیا رہیا جدکہ اگلی سویر پولیس نوں اطلاع ملی، جہنے موقعے اُتے پہنچ کے درویش خان دی لاش نوں پوسٹ مارٹم لئی ہسپتال پہنچایا۔ ابتدائی رپورٹ دے مطابق ایہ ٹارگٹ کلنگ دا واقعا سی جدکہ حکام نے سارے آرٹسٹس نوں سکیورٹی صورتحال دی خرابی پاروں محتاط رہن دی ہدایت کیتی ہوئی اے۔
