ممبئی(پاکستان پوائنٹ نیوز12۔ستمبر2016ء) ہالی ووڈ وچ باربی ڈول دے ناں نال مشہور اداکارا کترینہ کیف نے سلمان خان تے رنبیر کپور نال محبت وچ ناکامی دے بعد تیجی وار محبت وچ گرفتار ہون دا اشارا دے دِتا۔ اک انٹرویو وچ بالی ووڈ اداکارا کترینہ کیف نے آکھیا کہ محبت میری زندگی دی سبھ توں اہم شے اے کیوں جے مینوں محبت اُتے 100 فیصد اعتماد اے، محبت اک خوبصورت جذبے دا ناں اے، ایس لئی کسے وی انسان نوں دوبارہ محبت کرن توں گریز نہیں کرنا چاہیدا۔
اوہناں نے آکھیا کہ محبت وچ ناکامی دے باوجود اج وی پوری طرحاں محبت رکھدی آں تے ایس لئی سلمان خان تے رنبیر کپور دے بعد وی تیجی وار کسے دی محبت وچ گرفتار ہون نوں تیار آں۔ یاد رہوے کہ اداکارا کترینہ کیف تے رنبیر کپور عشق وچ ناکامی دے باوجود فلم ”جگا جاسوس“ دی شوٹنگ وچ مصروف نیں۔
