اداکارا ممتا ککرنی نے منشیات سمگلنگ دے الزامات رَد کر دِتے

ممبئی(پاکستان پوائنٹ نیوز12۔ستمبر2016ء) مشہور اداکارا ممتا ککرنی نے بھارتی پویس ولوں منشیات سمگلنگ دے الزامات نوں رد کر دِتا ۔ تفصیل دے مطابق پچھلے دِناں ممبئی پولیس ولوں بالی ووڈ دی مشہور اداکارا ممتا ککرنی اُتے شوہر نال رلکے انڈر ورلڈ لئی کم کرن تے دو ہزار کروڑ توں ودھ دی منشیات سمگلنگ دا الزام لایا گیا سی جہدے بعد اداکارا دی گرفتاری لئی عالمی سطح اُتے اقدامات کرن دا فیصلا کیتا گیا پر ہن بالی ووڈ اداکارا نے ویڈیو بیان وچ اپنے اُتے لائے گئے سارے الزامات نوں رَد کر دِتا اے۔اوہناں دا کہنا اے کہ میں بے گناہ واں تے میں 20 ورھیاں توں روحانیت دی دنیا نال جُڑی ہوئی آں ایس لئی اپنے اُتے لائے گئے جھوٹھے الزاماں پاروں ڈاڈھی پریشان آں۔