ملکا شراوت نوں کرایہ نہ دین اُتے پیرس اپارٹمنٹ توں کڈھ دتا گیا

پیرس(پاکستان پوائنٹ نیوز16۔دسمبر2017ء) بالی ووڈ اداکارہ ملکا شراوت تے اوہناں دے فرانسیسی بوائے فرینڈ سرل اوگجن فین بارے اک حیران کر دین والی خبر ساہمنے آ ئی اے۔ خبر وچ دسیا گیا اے کہ اوہناں کول مکان دا کرایہ دین دے وی پیسے نہیں نیں۔ تفصیل مطابق بالی ووڈ اداکارہ ملکا شراوت اجکل اپنے بوائے فرینڈ نال پیرس دے اک اپارٹمنٹ وچ لَمے چِر توں رہ رہیاں نیں۔ پر اوہناں کول مکان دا کرایہ نہ ہون دی وجہ توں ملکان مالک نے اوہناں نوں گھروں کڈھ دتا اے۔ رپورٹ وچ دسیا گیا کہ اوہناں اُتے 80ہزار یورو یعنی 64لکھ بھارتی رُپئے کرایہ چڑھ گیا سی جہنوں اوہ نہ دے سکے تے مالک ولوں گھروں کڈھ دتا گیا۔