’ٹائیگر زندہ ہے‘ دی نمائش اُتے پاکستان بھر وچ پابندی

ممبئی(پاکستان پوائنٹ نیوز13۔دسمبر2017ء) بولی ووڈ اداکار سلمان خان دی فلم ’ٹائیگر زندہ ہے‘ چالو مہینے دی 22تاریخ نوں دنیا بھر وچ ریلیز کیتی جائے گی، پر پاکستان وچ ایس فلم دی ریلیز اُتے پابندی لا دتی گئی اے۔ وزارت اطلاعات نے سینسر بورڈ دی سفارش مگروں فلم ’ٹائیگر زندہ ہے‘ لئی این او سی جاری کرن توں انکار کر دتا اے۔ رپورٹ وچ دسیا گیا اے کہ فلم وچ پاکستان بارے سینز موجود نیں، جہدی وجہ توں ایہنوں سینسر بورڈ نے کلیئر نہیں کیتا۔

یاد رہوے کہ فلم ’ٹائیگر زندہ ہے‘ سلمان خان دی 2012وچ ریلیز ہوئی فلم ’ایک تھا ٹائیگر‘ دا سکیوئل اے۔ فلم ’ایک تھا ٹائیگر‘ نوں وی پاکستان وچ پابندی دا ساہمنا کرنا پیا سی۔ ایس فلم وچ سلمان خان نے ہندوستانی جدکہ کترینہ کیف نے پاکستانی جاسوس دا کردار نبھایا۔ دوویں ایس نویں فلم وچ وی ایہو کردار نبھاندے وکھالی دین گے۔ فلم وچ پاکستانی گلوکار عاطف اسلم نے اک گانا گایا اے۔