ویاہ دا سارا خرچا وینا ملک نے آپ کیتا سی: والد وینا ملک

لاہور(پاکستان پوائنٹ نیوز11۔مارچ2017ء) اداکارا وینا ملک دے والد محمد علی ملک دا دھی دے خلع بارے کہنا سی کہ جے ایہ رشتا نہیں چل سکیا تے ایہداایہ مطلب نہیں کہ سارے جہان دیاں برائیاں اسد دے کھاتے وچ پا دیواں۔ وسیلیاں دے مطابق اوہناں نے آکھیا کہ وینا نے آپ خلع لیا اے۔ اسد ساڈا پُتر اے تے اوہدے ساڈے نال تعلقات پکے نیں جو کدی ختم نہیں ہو سکدے۔ اوہناں دا کہنا سی کہ ویاہ دا سارا خرچا وینا ملک نے آپ کیتا سی، میں تن ورھیاں توں کوششاں کر رہیاواں کہ ایہ رشتا قائم رہوے پر ہن وینا ملک دی مرضی اگے کُجھ نہیں کر سکدا۔