وینا ملک نے اپنا مال خرچ کر کے اسد لئی مثالی قربانی دتی: مفتی نعیم

کراچی(پاکستان پوائنٹ نیوز16۔مارچ2017ء) وینا ملک نے اپنا مال خرچ کر کے اسد لئی مثالی قربانی دِتی اے، وینا دی شہرت تے مالی اعتبار توں اسد نے فائدا چُکیا۔ تفصیل دے مطابق جامع بنوریہ دے سربراہ مفتی نعیم نے وینا ملک تے اسد خٹک نال سانجھی پریس کانفرنس کردے ہوئے آکھیا کہ میں ملاقات وچ دوواں دا موقف سُنیا، جہدے وچ ساہمنے آیا اے کہ وینا نے اسد لئی مثالی قربانی دِتی اے۔ وینا نے تن ورھیاں وچ اپنا سارا مال اسد اُتے خرچ کیتا جدکہ اسلام وچ عورت دا مال کھانا حرام اے۔ اوہناں دا کہنا سی کہ وینا دی شہرت تے مالی اعتبار توں اسد نے فائدا چُکیا جدکہ 95فیصد قصور اسد خٹک دا اے۔ اوہناں دا کہنا سی کہ اسد حاملا سوانی نوں روٹی پکان دا وی آکھدا رہیا۔