لاہور(پاکستان پوائنٹ نیوز02۔جنوری2018ء) پاکستان سوزوکی موٹر کمپنی ولوں پاکستان وچ ویچی جان والی گڈی ’مہران‘ تے ہور دیاں قیمتاں وچ وادھا کر دتا گیا اے۔ تفصیل مطابق پاکستان وچ آٹو سیکٹر دی وڈی تے مشہور کمپنی پاک سوزوکی موٹر کمپنی ولوں کئی گڈیاں دیاں قیمتاں وچ وادھا کر دتا گیا اے۔ پاک سوزوکی موٹرز نے سوزوکی مہران، سوزوکی بولان تے سوزوکی راوی دیاں قیمتاں وچ 10ہزار رُپئے جدکہ ویگن آر دی قیمت وچ 20ہزار رُپئے وادھا کردتا گیا اے۔
یاد رہوے کہ ایس توں پہلاں ٹیوٹا کمپنی نے اپنیاں کاراں دیاں قیمتاں وچ 60ہزار رُپئے تیکر وادھا کیتا اے۔ انڈس موٹر کمپنی (آئی ایم سی) نے ڈالر دے مقابلے وچ رُپئے دی قدر وچ 7فیصد کمی مگروں اپنیاں 1300سی سی گڈیاں توں لے کے 1600سی سی سی گڈیاں اُتے 50توں 60ہزار رُپئے تیکر وادھے دا اعلان کیتا اے۔ ایس وادھے مگروں ٹیوٹا کرولا ایکس ایل آئی، جی ایل آئی تے جی ایل آئی آٹو میٹک ٹرانسمیشن دیاں قیمتاں وچ ترتیب وار 18لکھ 10ہزار، 19لکھ 40ہزار تے 20لکھ 20ہزار رُپئے ہو گئی اے۔
