بھارت: پاکستانی ہائی کمیشن دے پروٹوکول افسر دی گڈی حادثے دا شکار

نویں دِلی(پاکستان پوائنٹ نیوز23۔دسمبر2017ء) نویں دِلی وچ پاکستانی ہائی کمیشن دے پروٹوکول افسر راؤ انور دی گڈی حادثے دا شکار ہو گئی اے۔ تفصیل مطابق نویں دِلی وچ موجود پاکستانی ہائی کمیشن دے پروٹوکول افسر راؤ انور دی گڈی حادثے دا شکار ہو گئی اے۔ راؤ انور دی گڈی نوں موتی باغ نیڑے تیز رفتار بس نے ٹکر ماری۔ جہدے مگروں اوہناں نوں زخمی حالت وچ ہسپتال منتقل کیتا گیا۔ ہسپتال وسیلیاں دا کہنا اے کہ راؤ انور نوں سِر تے سینے اُتے سَٹ لگی اے۔ پر ہن اوہناں دی حالت خطرے توں باہر اے۔ نویں دِلی پولیس نے بس ڈرائیور مکیش کمار نوں گرفتار کر کے مقدمہ درج کر لیا اے۔