بولٹ نے ٹی 20کرکٹ وچ گھٹ سکور کھان دا ریکارڈ اپنے ناں کر لیا

آکلینڈ(پاکستان پوائنٹ نیوز18۔فروری2017ء) ٹرینٹ بولٹ نے ٹونٹی ٹونٹی انٹرنیشنل کرکٹ وچ گھٹ سکور کھان دایکارڈ اپنے ناں کر لیا۔ تفصیل دے مطابق ٹرینٹ بولٹ نے جنوبی افریقا خلاف میچ دوران چار اووراں دا سپیل تین حصیاں وچ پورا کیتا، جہدے وچ صرف 8سکور کھا کے دو وکٹاں لئیاں، آل ٹائم کیوی ریکارڈ ڈینیئل ویٹوری دے ناں اے جہناں نے 2013وچ بنگلا دیش خلاف میچ وچ چار اووراں وچ چھ سکور کھا کے تن کھڈاریاں نوں آﺅٹ کیتا سی۔ پیسرز وچ بولٹ نے ہن ای ین بٹلر نوں پچھانہ چھڈ دِتا، جہنے تن ورھے پہلے انگلینڈ خلاف ہیملٹن وچ چار اووراں وچ 9سکور کھا کے دو شکار کیتے سن۔