لیسٹر(پاکستان پوائنٹ نیوز18۔فروری2017ء) انگلش کرکٹ کاﺅنٹی لیسٹر شائر نے شرجیل خان دے ٹیم نال مستقبل بارے فیصلا پی سی بی نوں جاری تحقیقات دا نتیجہ ساہمنے آن مگروں کرن دا اعلان کر دِتا اے۔ تفصیل د ے مطابق لیسٹر شائر دے چیف ایگزیکٹو وسیم خان نے اک انٹرویو وچ آکھیا کہ ایس ویلے اسیں پاکستان کرکٹ بورڈ ولوں تحقیقات دے نتیجے دا انتظار کر رہے آں، جہدے مگروں ای کاﺅنٹی شرجیل خان بارے کوئی فیصلا کرے گی۔
یاد رہوے کہ لیسٹر شائر نے 27ورھیاں دے شرجیل خان نال چالو ورھے ٹی ٹونٹی میچاں لئی سمجھوتا کیتا سی پر پچھلے دِنا سپر لیگ سکینڈل دے نتیجے وچ شرجیل خان دا کیریئر خطرے وچ پے گیا اے۔ شرجیل خان آسٹریلیا دے دورے وچ اپنی چنگی بیٹنگ مگروں چنگے کھڈاری دے طور اُتے ساہمنے آئے۔ ایس توں وکھ پاکستان کرکٹ بورڈ دے چیئرمین شہریار خان آکھ چکے نیں کہ جواریاں نال رابطے دے الزام وچ معطل کرکٹرز نوں موقف پیش کرن دا موقع دِتا جا رہیا اے پر جرم ثابت ہون اُتے سخت سزا دِتی جائے گی۔
