سلمان خان دا زخمی ہون مگروں وی شوٹنگ جاری رکھن دا فیصلا

اداکار سلمان خان نویں آن والی فلم ’ٹیوب لائٹ‘ وچ مرکزی کردار ادا کردے نظر آن گے

سلمان خان دا زخمی ہون مگروں وی شوٹنگ جاری رکھن دا فیصلا
اداکار سلمان خان نویں آن والی فلم ’ٹیوب لائٹ‘ وچ مرکزی کردار ادا کردے نظر آن گے

ممبئی(پاکستان پوائنٹ نیوز17۔جنوری2017ء) بالی ووڈ اداکار سلمان خان اپنیاں فلماں نوں کامیاب بنان لئی ڈاڈھی محنت کردے نیں تے بہترین اداکاری لئی اوہ دن رات اک کر دیندے نیں پر ایس وار اوہ فلم ’ٹیوٹ لائٹ‘ دی شوٹنگ دے دوران ڈاڈھے زخمی ہو گئے پر اوہ اپنے کم توں پچھے نہیں ہٹے تے شوٹنگ جاری رکھی۔ بھارتی میڈیا رپورٹ دے مطابق بالی ووڈ دے دبنگ سلمان خان باکس آفس اُتے کامیاب فلماں دین دے حوالے نال ڈاڈھے مشہور نیں پر اداکار سلمان خان اپنی نویں آن والی فلم ’ٹیوب لائٹ‘ دی شوٹنگ دے دوران زخمی ہو گئے تے اوہناں دی لَت اُتے ڈاڈھی سَٹ لگی، سَٹ لگن دے بعد اداکار ٹھیک طرحاں ٹُر وی نہیں سن رہے پر فلم دی ڈاڈھی فکر پاروں اوہناں نے شوٹنگ جاری رکھن دا فیصلا کیتا جدکہ اداکار فلم ٹیوب لائٹ دی شوٹنگ دے دوران درد نوں دور کرن لئی مختلف قسم دیاں دوائیاں وی لیندے رہے۔

ایس توں پہلے جدوں سلمان خان تے اوہناںد ے دوویں بھرا ارباز خان تے سہیل خان بھارت دے مشہور پروگرام ’کافی ود کرن‘ دے پروگرام وچ اکٹھے آئے سن تے ارباز خان دا کہنا سی کہ سلمان خان بہت گھٹ ای اپنے کم توں چھٹیاں لیندے نیں، سلمان نوں کم کرن توں کوئی وی نہیں روک سکدا۔ یاد رہوے کہ اداکار سلمان خان نویں آن والی فلم ’ٹیوب لائٹ‘ وچ مرکزی کردار ادا کردے نظر آن گے جدکہ شاہ رخ خان وی فلم وچ نِکا جہیا کردار نبھان گے۔