ممبئی(پاکستان پوائنٹ نیوز16۔دسمبر2016ء) بالی ووڈ سٹار عامر خان دی فلم ’دنگل‘ دے سیٹلائٹ حق 75کروڑ وچ ویچ دِتے گئے نیں جہدے بعد ایہ بالی ووڈ دی سبھ توں وڈی ڈیل بن گئی اے۔ تفصیل دے مطابق بالی ووڈ اداکاراں دیاں فلماں دے سیٹلائٹ حق ویچن دی ڈیل فلم دی کمائی اُتے ڈاڈھا اثر رکھدی اے تے کئی مشہور اداکاراں نے کئی فلماں دے سیٹلائٹ حق پہلے ای ویچ دِتے نیں جہدے وچ سلمان خان‘ ہریتھک روشن تے شاہ رخ خان شامل نیں پر ہن سیٹلائٹ حق دی ڈیل وچ عامر خان نے میدان مار لیا اے۔
بھارتی میڈیا رپورٹ دے مطابق عامر خان دی فلم ’دنگل‘ سیٹلائٹ حق دی ڈیل وچ بالی ووڈ دی سبھ توں وڈی ڈیل بن گئی اے تے فلم دے سیٹلائٹ حق 75کروڑ وچ ڈی میڈیا گروپ نے لے لئے نیں جہدے بعد عامر خان نے اپنی ای فلم ’دھوم3‘ دے سیٹلائٹ حق دی مد وچ 65کروڑ کمائی دا ریکارڈ وی توڑ دِتا اے۔ یاد رہوے کہ بالی ووڈ سٹار عامر خان دی فلم ’دنگل‘ 23دسمبر نوں نمائش لئی پیش کیتی جائے گی۔
