ممبئی(پاکستان پوائنٹ نیوز13۔دسمبر2016ء) بالی ووڈ دے مشہور موسیقار، میوزک کمپوزر تے گلوکار ہمیش ریشمیا دی میوزک کمپنی دے سی ای او اینڈی سنگھ نے خدکشی کر لئی۔ تفصیل دے مطابق بالی ووڈ گلوکار و اداکار ہمیش ریشمیا دی میوزک کمپنی ’ایچ آر‘ دا سی ای او اینڈی سنگھ ہفتے دی رات روٹی کھان دے بعد سون لئی کمرے وچ گیا جتھے اوہنے گلے وچ پھاہ لے کے اپنی زندگی دا خاتمہ کر لیا جدکہ واقعے ویلے اوہناں دی والدہ تے گرل فرینڈ گھر وچ ای موجود سن جو گوانڈھیاں دی مدد نال کمرے دا بوہا توڑکے اندر گئیاں جتھے اینڈی سنگھ دی لاش پکھے نال لٹک رہی سی۔
پولیس نے خدکشی دی وجہ جانن لئی واقعے دیاں تحقیقات شروع کر دِتیاں نیں جدکہ اینڈی سنگھ دی سابق بیوی، گلوکار ہمیش ریشمیا سنے ہور دوستاں نوں تفتیش وچ شامل کرن دا فیصلا کیتا گیا اے۔
