ویاہ دی تصدیق دے بعد نور نے اپنا ناں بدل کے نور ولی رکھ لیا

لاہور(پاکستان پوائنٹ نیوز15۔نومبر۔2016ء) اداکارا نور نے ولی حامد علی خان نال ویاہ دے بعد اپنا ناں بدل کے نور ولی رکھ لیا۔ اوہناں نے سوشل میڈیا اُتے اپنا ناں نور ولی پوسٹ کیتا اے۔ ولی حامد علی خان نے نجی ٹی وی نال نال گل بات کردے ہوئے دسیا کہ ساڈا ویاہ تے پہلے ای ہو گیا سی پر اسیں اپنی فلم ’عشق پازٹیو‘ دی ریلیز پاروں اناﺅنس نہیں کیتا سی، اسیں مناسب ویلے دا انتظار کر رہے ساں۔ یاد رہوے کہ دوویں فنکاراں ولوں ویاہ دی تصدیق کرن دے بعد شوبز نال جُڑے فنکاراں نے اوہناں نوں مبارکاں دِتیاں نیں تے اوہناں دی آون والی زندگی بارے نیک خاہشاں دا وکھالا وی کیتا اے۔