گلوکارا حمیرا ارشد توں اوہدے شوہر احمد بٹ نے باقاعدا معافی منگ لئی، پروڈیوسر سخی سرور نے دوواں وچکار صلح کروا دِتی

لاہور(پاکستان پوائنٹ نیوز01۔نومبر۔2016ء) گلوکارا حمیرا ارشد نال اوہناں دے شوہر احمد بٹ نے باقاعدا معافی منگ لئی جدکہ پروڈیوسر سخی سرور نے دوواں وچکار صلح کروا دِتی۔ تفصیل دے مطابق گلوکارا حمیرا ارشد دے شوہر احمد بٹ نے غصے وچ آکے حمیرا ارشد توں وکھ ہون دا فیصلا کیتا جہدے بعد اوہناں دا کیس مقامی عدالت وچ سنوائی ہیٹھ اے پر ہُن احمد بٹ نے حمیرا ارشد توں باقاعدا معافی منگ لئی اے تے احمد بٹ نے آکھیا اے کہ جذبات وچ آن پاروں کُجھ غلط فیصلے ہو جاندے نیں پر ہن حمیرا کولوں ارشد اپنے رویے اُتے معافی منگنا واں تے قیامت تیک حمیرا ارشد نال رہواں گا تے میرا جینا اپنے پُتر تے اوہدے نال اے جدکہ صلح دے موقعے اُتے مٹھیائی وی ونڈی گئی۔