لاہور (پاکستان پوائنٹ نیوز28۔اکتوبر2016ء) اسٹیج دی معروف اداکارا سنہری خان نے اِک ملاقات دوران دسیا کہ اسٹیج ڈراما ہُن فیملی ڈراما بندا جا رہیا اے جہدا ثبوت اسٹیج ڈراما ویکھن آن والیاں فیملیز نیں۔ اِک سوال دے جواب وچ سنہری خان نے کہیا کہ ایس توں پہلاں اسٹیج ڈرامے نُوں بہت بُرا سمجھیا جاندا سی پر ہُن چنگے ڈائریکٹرز دی وجھا توں اسٹیج زوال پذیر ہون توں بچ گیا اے اوہناں نے کہیا کہ ایہناں دِناں اوہ ہدایتکار ڈاکٹر اجمل ملک دے نویں اسٹیج ڈرامے ”میرا کالا چشما“ وچ اِک اہم کردار ادا کر رہے نیں جو اوہناں دے پرستاراں نُوں مدتاں یاد رہوے گا۔
سنہری خان نے کہیا کہ ڈاکٹر اجمل ملک اسٹیج لئی اِک مسیحا ثابت ہوئے نیں ہر وڈے توں وڈا ایکٹر اوہناں دے ڈرامے وچ کم کرنا اپنے لئی فخر جوگ سمجھدا اے۔
