رشی کپور نال سونالی تے پریانکا دی ملاقات، تصویراں وائرل

نیو یارک(پاکستان پوائنٹ نیوز09۔اکتوبر۔2018ء) بالی ووڈ دے مشہور اداکار 66 ورھیاں دے رشی کپور ایس ویلے امریکا وچ اپنے علاج کارن موجود نیں، جتھے اوہناں نال نامور اداکاراں پریانکا چوپڑا تے سونالی باندرے نے ملاقات کیتی۔ رشی کپو ردی گھر والی نیتو کپور نے اپنے انسٹا گرام اکاؤنٹ اُتے ایس ملاقات دیاں تصویراں وی شیئر کیتیاں جد کہ اوہناں نے پریانکا چوپڑ، سونالی باندرے تے اوہناں دے خاوند گولڈی بہل دا وی شکریہ ادا کیتا۔ واضح رہوے کہ سونالی باندرے آپ وی کینسر دے روگ وچ مبتلا نیں جو امریکا وچ اپنا علاج کروا رہیاں نیں۔ یاد رہوے کہ رشی کپور پچھلے مہینے اپنی گھر والی دے نال امریکاگئے سن جیہدا اعلان اوہناں نے اپنے ٹویٹراکاؤنٹ راہیں وی کیتا سی۔