قصور وار سزا دا حق دار ہوندا اے: اداکار ہریتک روشن

 ممبئی(پاکستان پوائنٹ نیوز09۔اکتوبر۔2018ء) بالی ووڈ دے اداکار ہریتک روشن دا فلم انڈسٹری وچ سوانیاں نُوں ہراساں کرن بارے کہنا سی کہ جے کوئی قصور وار اے تے اوہنوں سزا ضرور ملنی چاہیدی اے۔ بھارتی خبر رساں ادارے مطابق ہرتیک روشن اج کل اٹلی وچ ہدایتکار وقاص بہل دی فلم ”سپر 30“ دی عکسبندی وچ مصروف نیں۔ ممبئی واپسی توں پہلاں ائر پورٹ اُتے میڈیا نال گل کردیاں ہویاں اوہناں دا کہنا سی کہ ملکوں باہر ہون کارن اداکارہ کنگنا رناوت نوں وقاص بہل ولوں ہراساں کرن دے واقعے دا پتا نہیں سن تے جے ایس گل وچ کوئی سچائی اے تے قصور وار نُوں سزا ملنی چاہیدی اے۔ اداکار ہریتک روشن فلم ”سپر 30 “ وچ مرکزی کردار ادا کردے نظر آن گے۔