نویں دِلی(پاکستان پوائنٹ نیوز06۔اکتوبر۔2018ء) بالی ووڈ دے دبنگ خان سلمان خان کروڑاں چاہیواناں دے دلاں اُتے راج کردے نیں۔ پر کُجھ دن پہلاں ای سوشل میڈیا اُتے سلمان خان دے ناں دے حوالے نال اوہناں دے چاہیواناں نوں سرپرائز مل گیا۔ سماجی رابطے دی ویب سائٹ اُتے دسیا گیا کہ بالی ووڈ دے دبنگ خان سلمان خان دا اصلی ناں عبدالراشد سلیم سلمان خان اے۔
یاد رہوے کہ بھارت تے پاکستان سنے دنیا بھر وچ سلمان خان دے کروڑاں چاہیوان نیں جو اوہناں نال بہت پیار کردے تے اوہناں دیاں فلماں دے شوقین نیں۔سلمان خان دے چاہیوان، جو اوہناں دی ہر فلم ویکھن جاندے نیں ، اوہناں نوں اداکار دے اصلی ناں دا پتا نہیں سی۔ سلمان خان دا ناں سرچ انجن وکی پیڈیا اُتے سرچ کرن نال اوہناں دی جو پروفائل کُھلدی اے اوہدے وچ اوہناں دا ناں عبدالراشد سلیم سلمان خان ای اے۔
