راولپنڈی(پاکستان پوائنٹ نیوز15۔ستمبر۔2018ء) کسٹم عدالت نے کرنسی سمگلنگ کیس وچ ماڈل ایان علی دے ناقابل ضمانت وارنٹ گرفتاری جاری کردتے نیں۔ تفصیل مطابق ہفتے نوں راولپنڈی دی کسٹم عدالت وچ کرنسی سمگلنگ کیس دی سنوائی ہوئی۔ کسٹم عدالت دے جج ارشد بھٹا نے کیس دی سنوائی کیتی پر پہلاں وانگ ماڈل ایان علی عدالت وچ پیش نہ ہوئیاں جیہدے اُتے عدالت نے خفگی(برہمی) دا اظہار کردے ہوئے آکھیا کہ بار بار سدن مگروں وی ملزمہ پچھلے ڈیڈھ سال توں پیش نہیں ہو رہی۔
عدالت نے ماڈل ایان علی دے ناقابل ضمانت وارنٹ جاری کرن دا حکم دیندے ہوئے آکھیا کہ ملزمہ نوں گرفتار کر کے 6اکتوبر نوں عدالت وچ پیش کیتا جائے۔جے آؤندی سنوائی اُتے عدالت وچ پیش نہ کیتا گیا تے کارروائی کراں گے۔ یاد رہوے کہ ایان علی نوں 14مارچ2015نوں اسلام آباد توں دبئی جاندے ہوئے بے نظیر ائر پورٹ اُتے کرنسی سمگل کرن دے الزام وچ گرفتار کیتا گیا سی۔
