انجلینا جولی دا بریڈپٹ نال فلم وچ کم کرن توں انکار

لاس اینجلس(پاکستان پوائنٹ نیوز03۔اکتوبر 2016ء) امریکی اداکارا انجلینا جولی نے بریڈپٹ توں وکھ ہون دے بعد اوہدی فلم توں وی وکھ ہون دا فیصلا کر لیا۔ امریکی میڈیا دے وسیلیاں مطابق انجلینا جولی تے بریڈپٹ نے افریقا نامی فلم دی تیاری اُتے کئی سال رلکے کم کیتا سی۔ ایہ فلم افریقا وچ آثار قدیما دی تلاش دے موضوع اُتے اے تے انجلینا جولی آپ ای ایہنوں ڈائریکٹ کر رہے سن پر ہُن ایس فلم وچ اوہناں دی کوئی دلچسپی نہیں رہی جدکہ بریڈپٹ اجے وی ایس فلم وچ دلچسپی رکھدے نیں۔یادرہوے کہ بریڈپٹ توں وکھ ہون دے بعد انجلینا جولی نے اپنے بالاں نوں اک خفیا مقام اُتے اک کروڑ 20 لکھ ڈالر مالیت دے گھر وچ رکھیا ہویا اے تے ایس گل نوں اوہ یقینی بنا رہے نیں کہ بریڈپٹ اوہناں دے بالاں نوں نہ مل سکے۔