ممبئی(پاکستان پوائنٹ نیوز16۔اپریل2018ء) مشہور بالی ووڈ اداکارہ سنی لیون نے اپنی دھی نشاہ کور ویبر دے ناں گھلیا گیا اک پیغام اپنے چاہیواناں نال شیئر کیتا اے۔ اپنے پیغام وچ اوہناں نے دھی خاطر جان دین دا وی اشارہ دتا اے۔ بالی ووڈ وچ اداکارہ سنی لیون بولڈ اداکاری دی وجہ تو ں مشہور نیں ۔ سنی لیون ہن تیکر کئی فلماں وچ کم کرچکیاں نیں جتھے سنی لیون بے باک اداکاری تے آئٹم گرل دی وجہ توں مشہور نیں اوتھے دوجے پاسے اوہ بہترین ماں وی منیاں جاندیاں نیں جیہناں نے یتیم بالڑی نوں گودی لے کے ساری فلم انڈسٹری لئی مثال قائم کر دتی اے، ایہو وجہ اے کہ سنی لیون نے اپنی دھی لئی پیار بھریا پیغام دتا اے۔
سنی لیون نے انسٹا گرام اُتے اپنی دھی نشا کور ویبر دی اپنے نال اک تصویر شیئر کیتی اے، جیہدے وچ اوہ دھی نوں چُک کے بیٹھیاں نیں جدکہ اوہناں نے اپنی دھی دے ناں روندے ہوئے اپنے پیغام وچ آکھیا کہ میں وعدہ کرنی آں کہ اپنے پورے دل نال، روح نال تے جسم نال تہاڈی ہر طرحاں دی حفاظت کراں گی تے دنیا بھر وچ موجود بُرے لوکاں توں محفوظ رکھن دی کوشش کراں گی بھاویں ایہدے لئی مینوں اپنی جان ای کیوں نہ دینی پئے۔ سنی لیون نے اپنے پیغام وچ ہور آکھیا کہ دنیا بھر وچ موجود سارے ای بالاں نوں ہمیشہ بُرے لوکاں دے شر توں تحفظ دا احساس دوانا چاہیدا۔ اوہناں نے بینتی کردے ہوئے آکھیا کہ آؤ اپنے بالاں نیڑے ہو جائیے تے ہر قیمت اُتے اوہناں دا تحفظ کریئے۔
