بالی ووڈ اداکار شاہد کپور تے امیرا راجپوت نے اپنی دھی دا ناں رکھ دِتا

نویں دِلی(پاکستان پوائنٹ نیوز19۔ستمبر2016ء) بالی ووڈ فلمسٹار شاہد کپور تے اوہناں دی بیوی میرا راجپوت نے اپنی دھی دا ناں رکھ لیا۔ شاہد کپور دی دھی دی پیدائش دے بعد توں کئی دلچسپ ناں سوشل میڈیا اُتے گھم رہے سن پر ہن شاہد کپور تے امیرا راجپوت نے اپنی دھی دے ناں دا اعلان کر دِتا اے۔ ہالی ووڈ سٹار نے اپنی دھی دا ناں ”میشا“ رکھ دِتا اے جو شاہد کپور تے میرا راجپوت دے ناں توں کڈھیا گیا اے۔ میرا توں ”می“ تے شاہد توں ”شا“ لے کے دوواں نے اپنی دھی نوں میشا دا ناں دِتا اے۔